قصيدة ما ننسى حسين، من إصدار محرم 1442 هـ للرادود صالح المؤمن، ومن كلمات الشاعر علي حسين البحراني

التوزيع: #حسام_يسري
الهندسة الصوتية: #محمد_الخنيزي
اشراف: محمد خيري، عبدالله خيرالله، محمد بدر، مرتضى خيرالله
إدارة الإنتاج: ايمن خيري
إخراج: #مهدي_الكسار
 

• كلمات القصيدة (مكتوبة):

غريب وغرّبتنا الغاضريه
غريب وما مثل يومك رزيه
يمعفر الجبين .. ما ننسى يا حسين
غريب وغربتنا الغاضريه

يا احسين لا اتظن يومك المشهود ننساه
ولا ننسى سبع الگنطره اشمالهِ ويمناه
ما ننحرم عن ماتمك تالله وبالله
بِعْناية الزهرا وعين المهدي ترعاه
وحگ راسك اللي كسّر الطاغي ثناياه
كلما تهلّ اتهل مدامعنا جريّه

يا عبرة الحزين

يا مهجة الزهرا ابحشانا اعليك نيران
وبصدورِ لمحبّين إلك محفور نيشان
ياهو مثيلك بالمعاره ايموت عطشان
شمامة الهادي اشعجب ما حصّل أچفان
ابدال الدفن لعبت عليه الخيل ميدان
وزينب اتحشّم والغيارى اعله الوطيّه

ويّاها نادبين

امصاب الجرى ما شفنا مثله ابكلّ لدهور
نكّس لوانا يا احسين وغلّگ الدور
شيخ العشيره فرهدوا أهله بلِبرور
حرگوا اخيمّه ابكربلا والنحر منحور
حگها الزچيه اتصيح آا يا يوم عاشور
جمرة غضا ما تبرد ابگلب الزچيه

صار الفرح دفين

إنچان ما لبّيتك ابلطفوف يحسين
آنا ابعزاك أحضر وأنوح وأصفج ايدين
نلطم ونبچي ودم دمعها تهمل العين
انساعد الناعي لو قرا هالبيت بونين
"هالنوح يا زهرا على منهو تنوحين"
ابكل بيت ومهجه للذبيح ابنچ عزيّه

ما دامت السنين