"جرحٌ على رفِّ الحياة" الشاعر ....حسين آل عمَّار
النص الفائز بالمركز الثاني في مسابقة أدب الطف الرابعة بقسمها الشعبي
بُور نبضَة
وشهـگة أحزان
ومِلِح مِن مستحاي
والحرُف متوچي بضلوع السهَر
أشتَم أوجاع الفرُوض ابكُل صلَاة
وبِيهَا أنقِش دمعَة بأكتاف القدَر!
غفلة الفكرة انتباه
وكسرة المتعنِّي جاه
ادموع آهاتك دُرر
كِثر ما نتنفَّسك صاير حياة
وكثِر ما نتعلَّمك صاير عِبَر!
الغيوم البيضه گد ما تشتهيك
من تموج الدِنيا .. تتناثَر بشَر!
و الزنازِن فِكرَة ضاگت عَن سحابَك
كُون ربِّ العالمين ايريد يخلگ حُرّ شرِيف ايكونَه مِن فاضِل تُرابَك
لمَّا قابيل افتِشَل گدام أخوه أگبل غُراب
وإنتَه لمَّن فِشلَت الدِنيا بمصابك ..
غاب عَن ذلهم غُرابَك
والنوايا الصفره ما تنجب عطر،
تنجب حجَر!
غيرة المشموم أهل
بحة المخنوگ أمل
بين غيرة وبحَّة مشروع اختبار
والحزين اللي اعتمر جرحك شعار
ينشغ ابصوته الجرح
ويهل خضَار
من يرجِّف كل إجابة بشفَّته وتطلع سؤال
كون يتحنَّى بدموعك
حتى يتحدى المحال
والجروح الخرسه عرسان الخيال
كل فرح يشهگ: تعال!!
حتى لو سرب الجُمَل ضلِّ السبيل
كلفة لو باحت وجع .. حزن و عويل
وكلفة لو ضاع المثال
ما صفن دمع النوارِس
فوگ شتلات الرِمَال
نهرك السارح على اشفاف الزمن
ينبع رجال
وانته أول من رسم حزن القمر وگت السحَر
الصورة عمية
وكثرة ألوان الدرب محتاجة عين
والسواعِد مو جنح
حتى امن أطيرن تشبگ اعلى الصفنة زين!
أحزان صدر الأمَّة عازة .. وانته دَين!
منهو يصبغ صوت ( مذنب ) بالطهارة؟
گبل يشهگ: يا حسين
خطوة المعتاز إذا اتحزَّم وجع تنطگ بَرِد
والسوالف وي محِب غمزة ورِد
من يحنِّ للملگى دلَّال السفَر
يلگى شبَّاچك حصيل امن السِوَر!
ذوهلِت فِكر المواسِم
واهس القمح الضمير
كُل متتفرَّع سنابِل .. صفعة في وجه الهجِير
والسِلال التشبه اگلوب الأوادم خالية
كون تترِسها ابدعائك .. حتى تصبح غالية
مُرَّة لچمات انتظارك .. والسوالف حالية
والأمل فلَّاح يائِس
وانته وحدَك دالية !
والقُطوف
دمعة تتهجَّى الطفوف
گد متتعَب بالوجع .. تسعى وتطوف
مِد على ضلوع الوگت بُردَة سلَام
طشِّر أحلامك حمام
گسوة الواقِع تطخِّ ابلا اعتراض
والظلام الهارب امن أبعد مواعيد النجم .. ينزف بياض
كثر ما موت انتظارك
صارت الساعة احتضار
كل شي صافن، كل شي ينزف إنتظار
عمري عشر أحزان .. والمولِد كَدَر
إنتهَ حاضِر
كُل شِي مِنَّك حامل ابوگتي الصِفَات
إنته حاضِر
يمتَى چانت صورتك بس ذكريات؟
وإنته لو بس تنذِكر حِسبَة صلاة!
من تمرّ بالريَّة
أتنفَّس ورود
ومن تمرّ بلساني أتسلَّح صمُود
يالأخُوْتَك فُرصَة وحدَة وماتخِيب
ياللي كُلَّك يوسِف
امن آخر مواريث الحُكُم لأوَّل حبيب
ماتغِيب
آني لو گلت إنتَه غايب
أشعُر بطعنة غِيابَك .. مِن أحِسّ ظالِم لِي ذِيب!
كُلنا نمشِي ومن نِمر نِترِك أثَر
وإنته وحدَك مِن تِمر تترك گُمَر!
فك سراح الوسعة محتاج ألگُى غيمَة
جروحي فرَّت في البراري اتريد خَيمَة
حتى يتصوَّف على صدري الألَم
ضلعي محتاج الحضن ( طعنة سهَم )
دون (يمتى) ودون (ليش) ودون (كيف)
راسِي محتاج الكرامَة في طعم ( ذبحات سيف )!
كون أعلَّق چم نجِم فوق السِهام؟
حتَّى يصفِن ليل جرحِي وبيه أنام
وچم ضلِع محتاجن أكسر؟
حتَّى لو مات الگُلب يحيى الغرام؟
قل أعوذ بجرحك امن أوَّل فرَح طگ بيَّه باب
آني گلب أمَّيمَة حاني
امن أنسَى آهاتَك أحِس فاگد شباب
عميَة نظرات الدِيانَة .. وذبحتك ( نعمَة بصَر ) !
محمود حيدر
السيد محمد حسين الطهراني
الشيخ علي المشكيني
الشيخ محمد مهدي شمس الدين
السيد محمد باقر الصدر
الشيخ محمد جواد مغنية
السيد عباس نور الدين
عدنان الحاجي
الشيخ ناصر مكارم الشيرازي
الشيخ محمد مهدي الآصفي
حسين حسن آل جامع
الشيخ علي الجشي
عبدالله طاهر المعيبد
حبيب المعاتيق
شفيق معتوق العبادي
جاسم بن محمد بن عساكر
رائد أنيس الجشي
ناجي حرابة
السيد رضا الهندي
عبد الوهّاب أبو زيد
ميتافيزيقا المثنَّى؛ دُربة المعرفة إلى توحيد الله وتوحيد العالم (3)
في مفهوم ولطائف آية: (وَلَكُمْ في الْقِصَاصِ حَيَاةٌ)
في اليقين
فكرة المجتمع في نهج البلاغة
التّعاصر بين العلّة والمعلول
الأشهر القمرية هي الأشهر الطبيعية
السّلامة الشّاملة بالعربيّة، جديد الكاتب مصطفى مهدي آل غزوي
إبراهيم عليه السلام من المذبح إلى الإمامة
فتح صفحة جديدة مع الله تعالى
ميتافيزيقا المثنَّى؛ دُربة المعرفة إلى توحيد الله وتوحيد العالم (2)