علي الخويلدي

حفرة معدن الطّيب

أخطاءك لأن ثقّيت بالناس، تغلط من تجي تگعد تعدهم، أكو حفره تسمى: معدن الطيب، يشمروك بوسطها الي تودهم، من اعتادوا منك تبذل الروح، على حالك تقصر ما تردهم، هم شگد عددهم؟ توگع يبان، شنو آهك تساوي يعني عدهم

على قدر عمقك يكون الغرق

يمته تنحسب عالناس عاشق؟ من تشعر بالوله وصّل عظامك، نومك ينحسب نوم الطّيور بحيث، أكو ريحة عطر تقلق منامك، ومن توقف على كل المرايا تحير، تلاقي الينعكس وجهه أمامك، رجفه بالقلب من يطروا المحبوب، وأي زلّه يطل اسمه بكلامك

يا جمعه تظهر سيدي

يا جمعه تظهر سيدي، وتتغير الوان الشمس، خجلانه يالمهدي لأن، نورك يغطي عليها... يتعبني الصبر بس لا ما مليت، انتظرك واظل بالخير اتأمل، واسمع للأذان وكون اسمك بيه، يا جمعه وتكون الطلعه تتسهل

الكتاب

الشعراء

إنفوغراف

آخر المواضيع